पेटबोली

The only reason for being a professional writer is that you can’t help it-  Leo Rosten पत्रकारहरूका बिच सधैं एउटा टिप्पणि हुने गर्छ- ‘अरूको समाचार आओस्, आफू समाचार नबन्नु।’ बिडम्बना, गएका एक दुई दिनमा नेपाली पत्रकारहरूका समाचारले भरिए सामाजिक सञ्जालहरू। प्रशस्त आलोचनाहरू पनि भए। हुनत योभन्दा पहिले पनि पत्रकारहरूका बारेमा गरिएका टिप्पणीहरू सकारात्मक थिएनन्। कारण स्पष्ट छ: पत्रकारहरूले देखाउने व्यावहार। योभन्दा पहिला चर्चामा आएका मुद्दाहरू पत्रकार हत्या, पत्रकारहरूले सामाजिक सञ्जालमा प्रयोग गरेका शब्द वा उनीहरूले देखाएका दादागिरीका बारेमा थिए। तर यसपटक अलि फरक रूपमा पत्रकारहरूका यौनका बिषयले बजार ततायो।

आज बाबुको मुख हेर्ने दिन! अहिलेसम्म मैले मेरो बुबाको मुख तास खेल्ने बेलामा एउटै खालमा बसियो भने  र फोटोमा बाहेक राम्रोसँग हेर्न सकेको छैन। कान्छा, एउटा सिर्कानो लिएर आ’त भन्नुहुन्थ्यो बुबाले। अनि म कस्ले आज दरो भेट्ने भो भनेर दंग पर्दै सिमलीको सिर्कानो खोज्न दौडिन्थेँ। जब सिर्कानो बुबालाई दिन्थेँ अनि मेरा पिँडुलाले दु:ख पाउँथे। पढ्ने कुरामा अल्छीको राजा म। सबै बाबुहरूलाई आफ्ना छोराछोरी अब्बल हुन् भन्ने लाग्छ, मेरो बुबालाई नि त्यही लाग्थ्यो। सायद त्यो सिर्कानोले मेरो पढाइ सुध्रेला भन्ने आश नि थियो होला बुबालाई।

काम गर्दै जाँदा अनेक अनेक गर्न मन लाग्छ :D विपीको ‘जेल जर्नल’ का पाना पल्टाउँदै जाँदा रमाइलो लाग्दै गयो। पढ्दै जाँदा केही अङ्ग्रेजी शब्दहरूको नेपाली रूपान्तरण पनि भेटियो। अङ्ग्रेजीमा सुनिरहेका केही शब्दहरूको नेपालीकरण त साँच्चै गज्जप लाग्यो। हुनत, बरू अङ्ग्रेजीमा बुझिएला तर त्यो नेपाली शब्द बुझ्न शब्दकोष नै हेर्नुपर्ने। कत्ति शब्द त नेपाली शब्दकोषमा नि भेटिन्नन्। पहिला त यी शब्दको नेपालीकरण यो डायरी संकलक गणेशराज शर्माले गरेका हुन् कि जस्तो लागेको थियो तर पछि हिन्दी हुन् वा उर्दू शब्दहरू नि भेटेपछि चाहिँ विपी आफैले लेखेका रहेछन् जस्तो लाग्छ। हुन पनि उनले जेल जर्नलको एकठाउँमा लेखेका पनि छन्- हिन्दी, बंगाली र नेपाली भाषाको मूल संस्कृत भएकोले यी लगभग समान छन्। त्यसैले पनि हिन्दी र बंगाली मेरा मातृभाषा नभएपनि बिदेशी भाषा होइनन्। [caption id="attachment_128" align="alignleft" width="300"] जेल जर्नल आवरण[/caption] अब धेरै गनथन नगरी मूख्य कुरो गरौं। मैले यहाँ प्रस्तुत गरेका शब्दहरू जेल जर्नलमा प्रयोग भएका शब्दहरू हुन् अङ्ग्रेजी र नेपाली दुवै। केही अप्ठ्यारा लाग्